*🔥" હોળી અને ધૂળેટીના પાવન પર્વની પરંપરાગત ઉજવણી"🔥*આજ રોજ શાળા પરિસરમાં સંગીતવાદ્યોના તાલે પરંપરાગત ભારતીય સંસ્કૃતિના હોળી-ધૂળેટી પર્વની ઉત્સાહભેર ઉજવણી કરવામાં આવી. બાળકો-શિક્ષકો દ્વારા હોલિકાનું પૂજન કરી છાણાં લાકડા જેવા કુદરતી પદાર્થો સળગાવી વૈદિક હોળીકાદહન કરવામાં આવ્યું. દહન બાદ સમગ્ર ભુરગઢ શાળા પરિવાર અને વિદ્યાર્થીઓએ હોળીકાદહનની પ્રદક્ષિણા કરી અને હોળીની પ્રગટતી જ્વાળાઓના આશીર્વાદ લીધા. ખજૂર ધાણીની લ્હાણી કરી, ત્યારબાદ વિદ્યાર્થીઓએ એકબીજા પર અબીલ ગુલાલ જેવા કુદરતી રંગો છાંટી રંગોના પર્વની ઉજવણી કરી. રંગબેરંગી રંગોથી વિદ્યાર્થીઓના ચહેરા ખીલી ઉઠ્યા હતા. અબીલ ગુલાલની છોળો સાથે પ્રેમ અને સ્નેહના રંગો વિદ્યાર્થીઓમાં ભર્યા હતા. આમ ઉમંગ, ઉત્સાહ અને ઉલ્લાસ સાથે ધામધૂમથી ઉત્સાહભેર ધૂળેટી પર્વની શાંતિપૂર્ણ ઉજવણી કરી પરંપરાગત ભારતીય સંસ્કૃતિને જાળવી રાખી હતી.